الثلاثاء، 1 يونيو 2010

السلطاني .. تاج !



لن أرتدي هذا التاج , فعندي تاج أهم أحلم دائما بأرتدائه لا يلمع ولا يحتوي احجار .
تاج من نوع آخر
قوانين التاج السعيد
أذكر أسم من طلب منك حل هذا الواجب :
المدون الصديق عين بغزي , بدون تعليق
تحدث عن 6 أسرار قد لا يكتشفها من يقابلك أول مرة ؟

- دائما بالحوار ثانيًا عندي أهم من أولأً .
- أكره القرقه وأجامل اول 15 دقيقة بعدها راسي يصدع .
- أكره الاتصالات الكثيرة والرسائل النصية ورغم ذلك أملك موبايلين :)

ما خلصوا .. والله ما ادري شقول ..


- شخص هادئ جدًا مبتسم دائما بس بليز لا أعصب أقلب الدنيا .
- اذا سمعت فيروز الصبح يصير مزاجي عالي وأسمع نجاة الصغيرة في الليل :)
- أخاف من الأبر والحشرات وكل الحيوانات والأوادم الغريبه والشباب الطائشة
والبشر العاهات .
حول هذا الواجب إلى ستة مدونين، واذكر أسماءهم مع روابط مدوناتهم في
موضوعك .
هذا ما جناة علي ابي ولم اجنة على غيري ( العقاد )
طبعا ما توصل جناية بس ما أبي الزم غيري بواجب وقد يكون مو حاب هالشيء
عشان جذي , أفتح المساحة للي يبي يعبر بصفحتي , وحياكم الله ..
كل الحب .. كل الود ..
ebtsamh

هناك 13 تعليقًا:

  1. مرحبا
    اعجبتني مدونتج جدا
    بالتوفيق

    ردحذف
  2. لووووووول يعني اقدر اقول انتي عصبية جدا

    شكرا :)

    ردحذف
  3. حلو ثانيا دائما أهم من أولا :)

    هههه أهم شي البشر العاهات

    حكمتي بالحياة: ماأحب ولا كائن حي غير الإنسان :)
    بس شكلي بضيف ولا البشر العاهات ;)

    ردحذف
  4. هلا وغلا اختي mazyona

    مرورك اسعدني وأعجابج بمدونتي زادني شرف ..

    صج نورتيني :)

    ردحذف
  5. هلا وغلا عين بغزي ..

    المفروض اصب جام الغصب عليك انت وبدون نقاط

    احس نفسي اخرجت الاسرار العسكرية ..

    بس سماح هالمره :)

    الحمدالله الكل يقول انتي حكيمة وهادية بس

    شكلي اطبق الحكمة اللي تقول اتق شر الحليم اذا

    غضب :)

    نورتني ..

    ردحذف
  6. ما ادري اهو غباء ولا ذكاء , لاحظته بنفسي

    قبل سنه فعلا آنا بالحوار ولا الكلام ابدي بالاقل اهمية

    بعدها المهم فلما اتحجى توني قلت اولا الكل قاطعني

    يفند عسى ما اقول ثانيا الكل ينجعم :)

    أما بالنسبة للبشر العاهات فحدث ولا حرج ..

    نوعي المرعب في الخوف , يتسلطون لما اكون سايقه

    شوفي العجب من وراهم .. ما اقول الا الله

    ينظف الشوراع منهم ع الاقل :)

    طيب انتي ما تحبين ولا كائن غير الانسان ؟

    هالكلام ينطبق ع الورد .. لانه خبرج اهوا كائن بعد

    بهالمناسبه أهديلج ورده حلوة :) نورتيني ..

    ردحذف
  7. لأ الورد أعتبره جماد p;
    ماأحب الأشياء الي تتحرك وتمشي وتهجم

    شكرا على الوردة بزين فيها داري :)

    ردحذف
  8. مميزة اهني ابتسامه
    شغلت الإبر .. ذكرتيني بوحده يغشى
    عليها من تسمع في إبره .
    الله يبعد كل ما تكرهين عنج.

    دمتِ لمن تحبي

    روميه

    ردحذف
  9. هلا وغلا book

    أهم شيء ما تحبين الاشياء اللي تهجم , شكله صاير

    معاج موقف :I

    جد نورتيني مره ثانيه ودارج مزينه بقعدتج فيها :)

    ردحذف
  10. هلا وغلا رومية ..

    أسعدتني زيارتج خاصه انها بعد انقطاع ,

    الابر مو تخوفني بس ساعات تبجيني , يكفيج أنني

    أرتجى كل من يحمل ابره حتى الهنود بالترفق فيني :(

    ع فكرا رومية طلبتي مني اقتراحات للحد من العولمة

    نزلتها بالجزء الثاني من المقاله في المدونة الأخرى

    ونورتيني :)

    ردحذف
  11. طلعتي تحبين نجاة الصغيرة مثلي !

    فيروز ونجاة الصغيرة قمة الرومانسية والهدوء .. وترى انه اكره القرقة بعد ..

    ردحذف
  12. اهلا وسهلا بدون تعليق ..

    شكرا لك على الهدية الحلوة أو الاستجواب المر :(

    مسموحين انت وبغزي هالمره بس :)

    فعلا واستمتعت وايد بأدراجك عن نجاة الصغيرة وأيظن ؟

    واؤيدك فعلا هما قمة الرومانسية والهدوء .

    اسعدتني زيارتك .. ونورت ..

    ردحذف

رأيك يهمني .. :)